सलोखा चषक क्रिकेट स्पर्धा : एक सामाजिक सलोखा वाढवणारी प्रेरणा ; डीवायएसपी नारायण शिरगावकर यांचा अनोखा उपक्रम
महर्षि डिजीटल न्यूज/सागर खरात
क्रिकेट हा भारतात केवळ एक खेळ नसून, तो लोकांमध्ये एकजूट आणि भावनिक सलोखा निर्माण करणारा महत्वाचा दुवा आहे. याच तत्वावर आधारित सलोखा चषक क्रिकेट स्पर्धा, उपविभागीय पोलिस अधिकारी (डीवायएसपी) नारायण शिरगावकर यांच्या पुढाकाराने सुरू करण्यात आली आहे. या स्पर्धेच्या माध्यमातून समाजात सलोखा आणि शांतता प्रस्थापित करण्याचा त्यांचा प्रयत्न कौतुकास्पद आहे.
सलोखा चषक क्रिकेट स्पर्धेचा उद्देश केवळ मनोरंजन किंवा स्पर्धात्मकता नसून, समाजातील विविध घटकांमध्ये सौहार्द, बंधुता आणि परस्पर आदरभाव निर्माण करणे हा आहे. क्रिकेटच्या सामन्यांतून जात, धर्म, आर्थिक स्थिती आणि वयोमान या साऱ्यांवर मात करत लोकांना एकत्र आणले जाते. यामुळे सामाजिक सलोखा वाढण्यास हातभार लागतो.
समाजातील सर्व घटकांचा सहभाग : या स्पर्धेत पोलिस कर्मचारी, व्यापारी, डॉक्टर, फोटोग्राफर, जलसंपदा, महावितरण, नगरपरिषद, पंचायत समिती, सार्वजनिक बांधकाम, पोलीस पाटील, जिल्हा परिषद शिक्षक, पत्रकर तसेच समाजातील विविध स्तरांतील नागरिकांना सामील करून घेतले आहे. खेळाच्या मैदानावर सर्वजण समान दर्जाचे असतात, जे समानतेची भावना निर्माण करते. क्रिकेट हा भारतातील सर्वाधिक लोकप्रिय खेळ आहे. त्याचा उपयोग केवळ खेळासाठीच नव्हे, तर समाजाला एकत्र बांधण्यासाठी केला गेला, हे या उपक्रमाचे खास वैशिष्ट्य आहे.
डी वाय एस पी नारायण शिरगावकर यांनी ही स्पर्धा सुरू करण्यामागे केवळ कायदा आणि सुव्यवस्था राखणे हा उद्देश नव्हता, तर सामाजिक शांततेची भावना वृद्धिंगत करणे हा होता. त्यांच्या नेतृत्वाने पोलीस प्रशासनाची सकारात्मक प्रतिमा निर्माण केली आहे. सलोखा चषक क्रिकेट स्पर्धेचा समाजावर सकारात्मक परिणाम होत आहे. पोलिस आणि नागरिक यांच्यातील दुरावा कमी होऊन परस्पर विश्‍वास निर्माण झाला आहे.
डीवायएसपी नारायण शिरगावकर यांचा सलोखा चषक हा समाजातील सलोख्याचे एक उत्तम उदाहरण आहे. त्यांनी क्रिकेटसारख्या खेळाचा उपयोग सामाजिक शांततेसाठी करून दिलेला संदेश प्रेरणादायक आहे. या उपक्रमातून इतर जिल्ह्यांनाही प्रेरणा घेता येईल, अशी आशा आहे. त्यामुळे हा प्रयत्न नक्कीच कौतुकास पात्र आहे.
