धैर्यशील मोहिते पाटील यांची संवेदनशीलता ; वाढदिवसादिवशी शेतकऱ्यांच्या बांधावर, गारपीटीची केली पाहणी
महर्षि डिजीटल न्यूज/सागर खरात
अकलूज : आपल्या कर्तुत्वाने युवकांच्या मनावर राज्य करणारे धैर्यशील मोहिते पाटील यांनी संवेदनशीलता दाखवत आपल्या वाढदिवसादिवशी शेतकऱ्यांच्या बांधावर जात काल झालेल्या गारपीटीची पाहणी केली.
माळशिरस तालुक्यात काल झालेल्या गारपीठ व अवकाळी पावसामुळं बऱ्याच ठिकाणी नुकसान झालं आहे.अशा अडचणींच्या प्रसंगात आधार देणे आवश्यक असते. हि जाणिव ठेवून धैर्यशिल मोहिते-पाटील यांनी तालुक्यातील दहिगाव मांडवे भागात नुकसानीची पाहणी करून शेतकऱ्यांना,नागरिकांना धीर दिला.
आधीच पाणीटंचाई दुष्काळसदृश परिस्थिती मुळे फळबागा शेती पिके जगवण्याची धडपड सुरू असतानाच अवकाळी गारपीठ सारख्या आपत्तीमुळे शेतकरी व नागरिकांना प्रचंड मोठा फटका बसला आहे.शेतकऱ्यांच्या हातातोंडाला आलेला घास हिरावला गेला आहे.त्यामुळे शासनाकडून लवकरात लवकर मदत मिळावी म्हणून धैर्यशिल मोहिते-पाटील यांनी प्रशासनाकडे मागणी केली.
गारपीठ अवकाळी मुळे द्राक्षे,डाळिंब, केळी, अशा पिकांचे आतोनात नुकसान झालं. सुसाट्याच्या वाऱ्यामुळे , काहीच्या घराचे, गुराच्या गोठ्याचे पत्रे उडून गेले आहे पशु धनाचे नुकसान भरपूर प्रमाणात झाले.शेतकरी,नागरिकांचे झालेल्या नुकसाचे प्रशासनाने पंचनामे करून वेळेत त्यांना मदत करावी म्हणून धैर्यशिल मोहिते-पाटील यांनी प्रशासनाला सुचना केल्या.
