महर्षि डिजीटल न्यूज
सोलापूर : सोलापूर जिल्ह्यातील भाजपाच्या संघटनात्मक पुनर्रचनेत ॲड. सुजितकुमार थिटे यांची भाजपाच्या सोलापूर जिल्हा सरचिटणीस पदी निवड करण्यात आली आहे. त्यांच्या नियुक्तीमुळे भाजपामध्ये नवचैतन्याचे वातावरण निर्माण झाले आहे. थिटे हे पक्षाशी एकनिष्ठ असलेले, कार्यक्षम व समर्पित कार्यकर्ते म्हणून परिचित आहेत. त्यांच्या कार्यकुशलतेमुळे जिल्ह्यातील भाजपाच्या संघटनेला अधिक बळकटी मिळेल, असा विश्वास पक्षातील वरिष्ठ नेत्यांनी व्यक्त केला आहे.
भाजपाचे सोलापूर जिल्हा ग्रामीण चे अध्यक्ष चेतनसिंह केदार पाटील यांच्याकडून ॲड. सुजितकुमार थिटे यांना नियुक्तीपत्र प्रदान करताना त्यांच्या कार्याचा गौरव केला. जिल्ह्यातील विविध सामाजिक आणि राजकीय आंदोलनांमध्ये थिटे यांचा मोलाचा सहभाग राहिला आहे. तसेच नाळ फाउंडेशन व महाराष्ट्र पदवीधर संघटनेच्या माध्यमातून त्यांनी विविध सामाजिक उपक्रम राबवून लोकहिताची कामे केली आहेत. त्यांच्या कार्यशैलीमुळे कार्यकर्त्यांमध्ये त्यांच्याबद्दल आदराचे स्थान आहे.
युवा तडफदार नेते सुजितकुमार थिटे यांच्या या निवडीमुळे सोलापूर जिल्ह्यातील भाजपाच्या आगामी राजकीय हालचालींना गती मिळेल व विधानसभा निवडणुकीतही भारतीय जनता पक्षाला फायदा होईल असा अंदाज व्यक्त करण्यात येत आहे. त्यांच्या निवडीबद्दल पक्षातील वरिष्ठ नेत्यांनी त्यांचे अभिनंदन करून शुभेच्छा दिल्या.
